Duket e pakuptimtë, por në një qytet në rajonin e Sardenias në Itali është e ndaluar që të infektohesh më Covid-19.
Ishte kryetarja e bashkisë së qytetit Oniferi, Stefania Piras ajo e cila tha se qytetarët janë të ndaluar që të sëmureshin.
Duke shpjeguar arsyen se pse ishte i ndaluar infektimi me Covid, ajo tha:
“Nuk ka asnjë punonjës shëndetësor në Oniferi. Sot, edhe një mjek tjetër braktisi punën.
Nuk ka asnjë punonjës shëndetësor që të zëvendësojë mjekun që u largua dhe të jetë në shërbimin tuaj.
Kështu që duhet të jemi të gjithë vigjilentë dhe të kujdesemi për vetën, asnjë nuk duhet të infektohet me virus”.
