Migen Memelli është pasuesi i Julian Ahmataj te Skënderbeu. Trajneri nga Pogradeci tashmë është pjesë e “Ujqërve të Dëborës” duke marrë drejtimin e klubit për pjesën e mbetur të sezonit.
“Falënderoj klubin për besimin. Shpresoj që gjërat të ecin mirë. Ajo që premtoj për komunitetin e futbollit këtu është puna e madhe dhe përkushtim të pareshtur. Pjesa tjetër, objektivat do t’i shohim ndeshje pas ndeshje”, tha fillimisht, Memelli .
Arsyeja e firmës me Skënderbeun– Përvoja e madhe që ka klubi, ambjentet, terrenet, ajo që më bën optimist është baza e lojtarëve Individualisht, ka lojtarë me shumë cilësi.
Objektivi i skuadrës – Do të punoj skuadrën duke e njohur dita-ditës. Ajo që duhet do ta them në vazhdim.
Debutimi ndaj Tiranës – Tirana është një klub i njohur për mua. Shpresoj që tani që mbroj Skënderbeun, besoj të bëj një ndeshje sa më të mirë. Te Tirana kam shumë miq, brenda 90 minutave do të bëjmë gjithçka për maksimumin.
Mbështetja jonë si trajner është te puna jonë, lojtarët dhe klubi. Besoj se me përkushtim të jashtëzakonshëm dhe ndërgjegje të kthjellët. Ne, stafi, Erion Llapanji, Gentjan Liçi dhe lojtarët shpresojmë të dalim sa më shpejt nga kjo situatë.
Rivalët e Skënderbeut për mbijetesën– Asnjëri rival nuk kemi, kemi veten. Do të bëjmë maksimumin për veten tonë. Ekipet e tjera në tabelë duhet të jenë një numër që thjesht që s’duhet të referohemi. Punën kemi me veten tonë.
