Kompania Pfizer pritet të gjenerojë 15 miliardë dollarë të ardhura brenda vitit 2021 nga shitja e vaksinave antiCovid-19.
Pfizer ka parashikuar shitje për vitin 2021 ndërmjet 59.4 miliardë dollarë dhe 61.4 miliardë dollarë, me shitjet e vaksinave që parashikohet të kontribuojnë gati 25% të shitjeve.
Deri më tani kompania farmaceutike ka furnizuar në rang botëror 65 milionë doza, prej të cilave 29 milionë vetëm për SHBA-në. Sipas njoftimeve, Pfizer pritet të dërgojë dhe 200 milionë doza të tjera drejt Shteteve të Bashkuara.
Megjithatë, kompania ka hasur vështirësi me prodhimin e vaksinave, duke shkaktuar vonesë në furnizimin e Europës me doza përkatëse. Përfaqësues të Pfizer dhe BioNTech kanë siguruar shtetet se janë marrë masat për të përmbushur kronologjinë e premtuar. / The Reuters
