Babai i këngëtares Çiljeta Xhilaga, Ferdinand Xhilaga, është ndarë nga jeta ditën e sotme, pas komplikimeve të shkaktuara nga Covid-19. I shtruar në spitalin ‘Shefqet Ndroqi’, prej ditësh ai ka luftuar me jetën por fatkeqësisht ka dalë i humbur në këtë betejë.
Në Instagram, këngëtarja ka vendosur fjongon e zezë, simbol për dhimbje të tilla.
Kujtojmë se pak ditë më parë, këngëtarja ishte e ftuar në emisionin e mëngjesit në Top Channel, “Wake up”, por mungoi për shkak të gjendjes së rëndë të të atit.
“Këngëtarja Çiljeta Xhilaga, e cila sot do të ishte pjesë e ‘Wake Up’, këtë mëngjes na ka lajmëruar nëpërmjet një mesazhi që ka të atin sëmurë, është për intubim. Të shkuara babait të Çiljetës. Në këtë formë na lajmëroi që nuk mund të jetë dot pjesë e diskutimit”, tha moderatori Isli Islami.