“Koha jote (i referohet kryeministrit Edi Rama) ka mbaruar. Më 25 Prill, Rama do humbbë e shqipëria do fitojë”, u shpreh kryetari i PD-së Lulzim Basha, pak pas kritikave që lëshoi ndaj tij dhe programit elektoral të PD-së kryeministri Edi Rama.
“Ndërsa Rama sulmon opozitën, ambasadorët, BE-në, ne kemi kohë që punojmë për programin. Punojmë me ekspertizën më të mirë ndërkombëtare e lokale. Ndërsa bëjmë një plan pune, ai shpërdoron kohën televizive me fjalime të mërzitshme. Plani ynë ekonomik ka në qendër qytetarin dhe familjen shqiptare. Plani ynë parashikon taksa të ulëta, punësim, zhvillim. Plani ynë është plan pune i përditshëm, i përjavshëm, i detajuar. Me këtë plan fiton rinia, pensionistët, mjekët, infermierët, mësuesit, pedagogët, të papunët, të varfrit. Me këtë plan fiton Shqipëria, humbet Edi Rama. Ta kuptoj mirë nervozizmin, por koha jote ka mbaruar. Basha: 8 vite kishte kohë të mbante premtimet, por i shkeli”, tha Basha në një bashkëbisedim me gazetarët.
Kryedemokrati shtoi se taksa progresive e qeverisë ka dështuar, ka prodhuar korrupsion e padrejtësi dhe ka larguar rininë.
“Taksa progresive ka pasuruar oligarkët, ka varfëruar shqiptarët. Taksa progresive ka shkatërruar klimën e biznesit, taksa e sheshtë 9% do të sjellë zhvillim”, u shpreh ai.