Flamur Hoxha do të jetë drejtues politik i PD në Qarkun e Kukësit.
Ish-kandidati për deputet në zgjedhjet parlamentare të 2017-ës në zonën e Kamzës, ka marrë sot besimin e kryedemokratit Lulzim Basha.
Ai do të udhëheqë demokratët e Kukësit drejt fushatës elektorale për zgjedhjet e 25 prillit.
Më herët, kreu i PD caktoi drejtuesit politikë në Qarkun e Tiranës, duke ia besuar udhëheqjen e fushatës emrave të njohur në radhët e demokratëve si Flamur Noka, Grida Duma, Jorida Tabaku, Albana Vokshi, Belind Këlliçi, Agron Shehaj dhe Aldo Bumçi.
