Gjykata e Shkallës së Parë Lushnje ka lënë në “arrest me burg” 36-vjeçarin Saimir Meçani, i akuzuar për dhunim dhe përdhunim të gjyshes 89-vjeçare, ngjarje që dyshohet se ka ndodhur në fshatin Grabian.
Gjyqtarja Esmeralda Ceka miratoi kërkesën e prokurorit Skënder Mestani duke e lënë në “burg pa afat” deri në përfundim të hetimeve.
Sipas të akuzuarit, ai nuk ka kryer asgjë nga ato që akuzohet, ndërsa thotë se gjithçka është lojë e babait.
Meçani u prangos dy ditë më parë nga policia e Divjakës, e cila ndaj tij ngriti dy akuza. 36 vjeçari rrezikon 12 vite burg, ndërsa 89-vjeçarja e dhunuar u transportua në spital.
Komunikimi i Meçanit me gazetarët:
Gazetari: Je i pafajshëm ti?
I akuzuari: Ja do shikohet ajo
Gazetari: A ke kryer marrëdhënie me gjyshen?
I akuzuari: Ça muhabeti është ai. S’marr vesh. Nuk kuptoj
Gazetari: E ke përdhunuar gjyshen ti?
I akuzuari: Gjallë në botë jo.
Gazetari: Nuk e ke kryer përdhunimin?
I akuzuari: Jo. Do shikohet pas 5 ditësh.
Gazetari: Pse të akuzon babai?
I akuzuari: Akuzon babai?! Nuk akuzoi atë ditë ai. Të nesërmen vajti atje. Pse nuk tha ai atë ditë?
Gazetari: Çfarë të thoshte?
I akuzuari: Të thoshte atë. Që atë ditë. Të shkonte që atë ditë atje…
Gazetarja: Po pse duhet ta bëjë babai një gjë të tillë? Ai është babai juaj biologjik?
I akuzuari: Ai është babai im. Qysh i vogël më vuri baba tjetër. Qysh i vogël nuk më donte. Do të më shesë edhe tokat.
Gazetarja: Po nënën kush e ka dhunuar?
I akuzuari: Nuk e di. Ai edhe plakën time e la ai. Edhe plakën time e la. Bëheshe xheloz te plaka ime. Plaka ime 60 vjeçe…
Gazetari: Po në Greqi për çfarë je dënuar?
I akuzuari: Nuk jam dënuar
Gazetari: Për çfarë je arrestuar?
I akuzuari: Për “apellas” se isha pa letra
Gazetari: Për përdhunim? Ke dhunuar kushërirën tënde?
I akuzuari: Jo. Nuk është e vërtetë.
