Rektori i Universitetit të Tiranës, Artan Hoxha, ka njoftuar se provimet e semestrit të parë do të zhvillohen online.
Po ashtu, provimet që nuk mund të zhvillohen online për shkak të specifikës së lëndës, do të bëhen në auditor, nëse miratohet nga Komiteti Teknik i Eksperëtve.
Nëse nuk jepet miratimi përfundimtar nga Komiteti i Ekspertëve, pedagogët do të shohin mundësitë alternative të mbylljes së procesit të provimeve këtë semestër.
Provimet të cilat nuk mund të zhvillohen online për shkak të specifikës së lëndës, me kërkesë të titullarit të lëndës dhe me miratim të përgjegjësit të njësisë bazë, do të zhvillohen në auditor vetëm pas marrjes së miratimit përfundimtar nga Komiteti i Ekspertëve.
Në rast se Komiteti nuk miraton kërkesat e zhvillimit të provimeve për këto lëndë në auditor, titullarët e tyre të shohin mundësitë alternative të përmbylljes së procesit të provimeve në këtë semestër.
Në pamundësi të realizimit të këtyre provimeve brenda këtij semestri si dhe për ata studentë që kanë mundësi të pjesëmarrjes në këtë semestër do të përcaktohet një periudhë e mëvonshme e zhvillimit të tyre brenda muajit qershor”, thuhet në njoftimin zyrtar.
Vendimi nga Rektori i Universitetit të Tiranës vjen në një kohë kur studentët kishin kvrkuar rikthimin në auditore për seminaret, laboratoret dhe praktikat. Madje një përfaqësi e studentëve kishin zhvilluar një takim edhe me zv.ministren e Shëndetësisë, Mira Rakacolli, ku i kishin paraqitur kërkesën e firmosur nga mbi 9 mijë studentë.
