Do të luhet duke filluar nga ora 13:45, ndeshja mes Apolonisë dhe Tiranës, e vlefshme për javën e 17-të në Kategorinë Superiore. Orges Shehi do të provojë ta nisë me fitore aventurën te Tirana, ku mori vendin e të larguarit Nevil Dede.
Në 5 javët e fundit të kampionatit, fierakët kanë pasur rritje në lojë dhe rezultate. Apolonia ka fituar me Kastriotin dhe Laçin, ka barazuar në transfertë me Partizanin e Skënderbeun dhe ka humbur vetëm me Kukësin, duke grumbulluar 8 pikë në 5 javë, nga 13 pikë që ka gjithsej.
Ndërsa bardheblutë sikur e kanë pasur ters atë fitore 3- 0 të fazës së parë kundër fierakëve, sepse më pas Tirana ka regjistruar 5 barazime radhazi: me Skënderbeun, Kukësin, Teutën, Vllazninë dhe Bylisin; 1 fitore me Kastriotin dhe së fundmi 2 humbje me Partizanin dhe Laçin.
Formacionet Zyrtare:
Apolonia (3-4-3): Harizaj; Sota, Agiare, Diop; Haxhiu, Mehmeti, Smaçi, Jeboah, Zoga; Mihana, Gjata.
Tirana (4-3-3): Bekaj; Toshevski, Najdovksi, Hoxhallari, Ismajlgeci; Toli, Batha, Torasa; Muçi, Kale, Seferi.
