‘Shqipërinë e mori turku, i vu zjarr! Shqipëtar mos rri po duku shqipëtar’, janë pikërisht vargjet e të madhit Andon Zako Çajupi, ato që të vijnë në mendje ndërsa dëgjon se me sa arrogancë dhe mllëf ndaj shqiptarëve flasin rilindasit në media, njëlloj si pushtuesit e huaj dikur.
As më pak e as më shumë, vetë ministri i Rindërtimit, Arben Ahmetaj alias ‘Tigri’, ka nxjerrë gjithë mllëfin e tij jatë një emisionin televiziv pasditen e kësaj të shtune, ndërsa komentonte darkën e luksit dhe të babëzisë në një nga restorantet më të shtrenjta të botës, atë të turkut të famshëm Nusret.
Darkë e cila tërhoqi vëmendjen e gjithë shqiptarëve, të cilët kuptuan se sa mjeranë ishin ndërsa shihni si ministrat gëlltisnin bërxollën 1 mijë euro, por që u harrua shpejt pas hipnozës me vaksinat që bëri krye(magjistari)ministri Edi Rama.
‘Ndamë bukën, ashtu siç është ajo shprehja e shqiptarëve ndajmë bukën’, ishte kjo fjalia që shqipëtoi ‘Tigri’ ndërsa kërkonte të justifikonte darkën e luksit dhe të hidhte fajin mbi qytetarët të cilët nga padituria akuzuan ‘një nga ministrat më duarbardhë dhe të papërlyer në korrupsion’.
Sa për kujtesë në Shqipëri ka me të vërtetë një shprehje që lidhet me bukën, por ajo nuk është ‘ndajmë çapën një mijë euro’, por ‘bukë e kripë e zemër e bardhë’, e cila tregon shpirtmadhësinë dhe respektin e madh që shqiptari gëzon për mikun.
E për ta mbyllur do të mjafton të risjellim në kujtesë shprehjen e vetë Ramës “nuk keni parë gjë akoma”, që mos harrojmë që kjo që ndodhi nuk ishte e fundit, të tjera bëma priten jo vetëm nga Tigri i kabinetit por dhe nga lukunua e çakjeve që në 8 vite vetëm janë tallur me shqiptarët, të cilëve ua kanë mbushur barkun dhe sytë vetëm me projekte 3D. /Taulant Halili/ Boldnews.al
