Është mbyllur me një barazim pa gola super sfida e Premier League mes Arsenal dhe Manchester United.
Një rezultat që favorizon Manchester City, që tani kryeson Premier League me një avantazh prej tri pikësh ndaj United. Qytetarët kanë edhe një ndeshje për të rikuperuar.
Në minutën e 83-të ka ardhur edhe debutimi i Odegaard me fanellën e Topçinjve. Ai është norvegjezi i parë që zbret në fushë me Arsenal pas Pal Lydersen kundër Tottenham në majin e 1993-shit.
Manchester United nuk ka pësuar humbje në 18 transfertat e fundit të luajtura në Premier League, ecuria më e mirë pa humbje larg shtëpisë për Djajtë në historinë e kampionatit anglez.
