Policia në Japoni ka arrestuar një grua pasi trupi i nënës së saj të vdekur u zbulua në një frigorifer në banesën e saj, raporton BBC.
Yumi Yoshino, 48 vjeç, tha se ajo e gjeti nënën e saj të vdekur dhe e fshehu trupin 10 vite më parë sepse ajo “nuk donte të largohej” nga shtëpia në Tokio ku ato jetonin së bashku, raportuan mediat lokale, duke cituar burime të policisë.
Në trupin e gruas nuk u gjetën shenja plage të dukshme, tha policia.
Autoritetet nuk mund të përcaktojnë kohën dhe shkaqet e vdekjes së gruas.
Trupi thuhet se u zbulua nga një pastruese pasi Yoshino ishte detyruar të linte banesën për shkak të mungesës së pagesave të qirasë.
Yoshino u arrestua të premten në një hotel në qytetin Chiba, afër Tokios.
