Marco Pietro Rossi, një parashutist 35-vjeçar, me banim në Valgreghentino në provincën e Lecco, vdiq pas një aksidenti që pësoi këtë mëngjes në Aero Club del Migliaro, në Kremona.
Sipas hetimeve të para, ai pati një problem gjatë fazës së uljes. Parashutisti humbi ndjenjat dhe mbeti palëvizur në tokë.
Alarmi u dha menjëherë. Brenda pak minutash arritën në vend ekipet e emergjencës (mjekët me ambulancë), të cilët pasi kishin stabilizuar dhe akomoduar personin e dëmtuar në bordin e ambulancës, me të gjitha masat e nevojshme paraprake, filluan transportin në spitalin Maggiore. Atje, një orë më vonë, ai vdiq.
Në mesazhet e lamtumirës miqtë shkruan të tronditur në faqen e tij ku Marco mbante nofkën “Macet, tmerri i shtatë qiejve”, pas ndarjes së parakohshme nga jeta të 35-vjeçarit .
