Ka përfunduar mbrëmjen e së enjtes arratia e Domenico Cracolici, i konsideruar një ndër 100 personat më të rrezikshëm në Itali dhe që ishte pjesë e klanit mafioz Ndragheta.
Ai u kap gjatë një operacioni të gjerë policor në një shtëpi të izoluar në Maida të Katanzaros ku u përfshinë karabinierët e Serra San Bruno, Njësia Hetimore e Vibo Valentias dhe një Skuadroni Ajror i Katanzaros.
Cracolici i kishte shpëtuar në dhjetor të 2019 një tjetër operacioni për kapjen e tij, në kuadër të një hetimi ku ai akuzohej për pjesëmarrje në organizatë mafioze.
Natën e kaluar bastisja përfundoi me kapjen e të arratisurit i cili, u gjet në gjumë, nuk bëri asnjë rezistencë. Ndërsa ishte në arrati, Cracolici shmangu një urdhër të mëtejshëm paraburgimi si pjesë e operacionit Imponimento, të kryer nga Gico della Guardia di Finanza e Catanzaro në 21 korrik 2020. Domenico Cracolici u dërgua në burgun Vibo Valentia.
