Kosova është tronditur nga ngjarja tragjike, ku biznesmeni Skërnder Krasniqi vrau me një armë zjarri djalin e tij, Albert Krasniqi.
Albert Krasniqi ka qenë pjesë e showbizziit shqiptar dhe pjesë e labelit “Babastars” si menaxher i reperit Skivi
Gjithashtu, ai ka patur miqësi me shumë personazhe VIP dhe në vitin 2016-të u bë emër i njohur pasi plagosi në mes të Prishtinës Noizy-n.
Të shumtë kanë qenë artistët që kanë reaguar për humbjen e tij, duke ngushëlluar familjen. I pari që bëri një postim prekës për Albertin ishte reperi, Skivi.
“Buddy nuk po m’besohet që shkove. Pse kaq herët? Pse? Ne momentet më të mira e me të këqija gjithmonë ke qenë aty për mu. Je kon, je, dhe do t’mbetesh shoku ma i mirë e ma besnik që e kom pas najher n’jetë. U prefsh në paqe”, ka shkruar reperi.
View this post on Instagram
Po ashtu edhe Gold AG, Getinjo, Trim Jetullahu publikuan nga një fotografi duke ngushëlluar familjen Krasniqi.
View this post on Instagram
Mediat kosovare raportojnë se ngjarja e rëndë ka ndodhur pas konflikteve të vazhdueshme familjare. Ndërkohë mësohet se vetë babi i Albert Krasniqit e njoftoi policinë pasi zbrazi karikatorin mbi djalin e tij duke i marrë jetën këtij të fundit.
Albert Krasniqi ishte i martuar me ish-missin e Kosovës Besa Gashi, ndësa së fundmi ata i dhanë fund martesës së tyre. Ata kanë së bashku edhe një vajzë.
