Ekspertë të policisë italiane po hetojnë lidhur me vdekjen e dyshimtë të biznesmenit italian Davidel Pecorelli. Nga raportimet mësohet se ekspertët italianë kanë udhëtuar drejt Pukës për të parë nga afër vendin ku u gjet i djegur brenda makinës biznesmeni.
Më parë ato kanë administruar edhe provat shkresore të mbledhura nga policia dhe prokuroria shqiptare.
Ekspertët kanë shkuar sot në Pukë, në afërsi të Gjegjanit ku është gjetur e djegur makina ‘Skoda Fabia’, e marrë me qira, me të cilën po udhëtonte italiani.
Policia shqiptare akuzohet se ka prishur provat dhe nuk ka bërë hetimin e duhur, pasi mbetje njerëzore në makinë janë gjetur vetëm kur është dërguar në Policinë e Shkodrës.
Pecorelli kishte disa ditë në Shqipëri, para se të zhdukej në rrethana misterioze.
