Mario Metaj, 37-vjeçari që u ekzekutua dy ditë më parë në Patra është përcjellë sot për në banesën e fundit.
Familja, miq dhe të afërm i dhanë lamtumirën të riut i cili u qëllua për vdekje me armë zjarri, pas një konflikti.
Autori i vrasjes së 27-vjeçarit që punonte në një hotel ende nuk është kapur, por policia greke prangosi shokun e tij që dyshohet se e nxiti. Ai nuk ka pranuar që të flasë lidhur me motivin.
Autoritetet greke po hetojnë në lidhje me një hakmarrje të mundshme, pasi 10 ditë më parë vëllai i viktimës ishte qëlluar më thikë në Patra.
Gjithashtu autoritetet greke dyshojnë se autori i vrasjes, që është identifikuar, dhe është nga Shqipëria, mund të jetë arratisur për në atdhe pas krimit.
Policia kreu kontrolle në shtëpitë e personave të përfshirë në ngjarje ku u gjetën sasi të vogla kanabisi. Në shtëpinë e autorit të krimit u gjetën dy armë, një sasi e vogël hashashi dhe një peshore precize. Kjo ka ngritur dyshime se vrasja mund të ketë ardhur si pasojë e ndonjë përplasje për pazare droge.
