Gjykata e Apelit të Tiranës ka vendosur të lërë në burg sanitaren e spitalit “Covid-2” , Tire Alldervishi.
Kjo e fundit u arrestua pak javë më parë, pasi akuzohet për mashtrim. Ajo u denoncua nga emisioni investigativ “Stop” se përmes mashtrimit, duke u hequr si infermiere, iu kishte zhvatur të afërmve të pacientëve me koronavirus miliona lekë.
Pas publikimit të rastit në media, Alldervishi u arrestua dhe u la në qeli nga Gjykata e Tiranës. E pandehura apeloi vendimin, por edhe Apeli nuk e zbuti masën ndaj saj.
