Aksidenti tragjik në Fier, kush është infermieri që humbi jetën /VIDEO

Klement Basha, 30 vjeç dhe me profesion infermier, ka gjetur vdekjen mëngjesin e sotëm teksa udhëtonte për në spital, ku do të merrte shërbimin e turnit të parë.

Basha po udhëtonte me mjetin e tij “Mercedez Benz”, me ngjyrë të bardhë, në momentin që në vendin e njohur si “Portëz”, në askin rrugor Fier-Patos, është përplasur me një kamion që drejtohej nga një person i identifikuar si Bardhi Spahia.

Si pasojë e përplasjes, Basha ka ndërruar jetë menjëherë nga plagët e shumta që ka marrë, por trupi i tij ka ngecur brenda makinës, deri në mbërritjen e forcave të zjarrfiëkses. Këta të fundit bënë të mundur nxjerrjen e trupit të infermierit 30-vjeçar nga mjeti dhe e kanë dërguar atë në morgun e spitalit të Fierit.

LEXO EDHE  ‘Mandatin e tretë e ka në qeli’/ Berisha tregon se sa vite burg e presin Ramën

Ndërsa drejtuesi i kamionit, 52 vjeç, është shoqëruar për në komisariat, për të dhënë sqarime mbi ngjarjen. Ende nuk dihen shkaqet që sollën këtë aksident, por mendohet të ketë qenë shpejtësia e lartë me të cilën udhëtonin mjetet.