Reshjet e shiut kanë sjellë sërish probleme në disa prej zonave të vendit.
Aktualisht, janë rreth 5 000 hektarë tokë bujqësore nën ujë në fshatrat, Derven, Luz, Bilaj, Murqinë, Mallkuc dhe një sipërfaqe përafërsisht e tillë dhe në fshatrat fushore të njësisë administrative Ishëm.
Dhe pse niveli i ujit është më i lartë se ditën e djeshme, deri tani nuk raportohet që uji të ketë hyrë nëpër banesa, por janë mbi 50 banesa dhe disa biznese të rrethuara nga uji.
Janë të bllokuara dhe rruget e disa lagjeve si ajo e lagjes fundore në fshatin Murqinë e rruga e Gjokejve në Derven.
Po ashtu, përroi i Zadrimës dhe Shkumbini raportohet se kanë pasur prurje të shtuara duke rrezikuar përmbytje.
