Kreu i Partisë Demokratike Lulzim Basha ka postuar sot një tjetër video në rrjetet sociale, ku shprehet se kryeministri Rama dhe marionetat e tij janë lidhur me mafien për të shtuar pasuritë e tyre.
“Boll më: kupa është mbushur! Në vend që të kujdeset për njerëzit, Rama dhe marionetat e tij janë lidhur me mafian për të shtuar pasuritë e tyre, dhe çmimin e paguajnë shqiptarët. Boll më: kupa është mbushur!”, shkruan Basha në mesazhin e tij të shkurtër bashkëngjitur
Në video kryedemokrati sjell në vëmendje premtimet e kryeministrit për Reformën në Drejtësi dhe luftën ndaj korrupsionit, të cilat i konsideron si premtime të pambajtura.
“Edi Rama e ka kapur sistemin e drejtësisë dhe deri më tani asnjë zyrtar i lartë nuk është dënuar”, theksohet në mesazhin e videos.
Në vend që të kujdeset për njerëzit, Rama dhe marionetat e tij janë lidhur me mafian për të shtuar pasuritë e tyre, dhe çmimin e paguajnë shqiptarët. Boll më! Kupa është mbushur. pic.twitter.com/oVbzqDu3jg
— Lulzim Basha (@lulzimbasha_al) January 26, 2021
