Ngjarjet e 21 janarit 2011, Ndrea Prendi: Ja informacionet që kishim për sulme me armë dhe snajpera

Ndrea Prendi, ish-komandant i Gardës së Republikës, ngriti mbrëmjen e sotme dyshimet që viktimat e 21 janarit 2011 të jenë shkaktuar nga efektivët e gardës.

Prendi tha se efektivët e Gardës kanë hapur zjarr vetëm në ajër, ndaj dhe vrasjet mund të jenë rikoshet, pra aksidentale.

Ai tha se duhet kuptuar se efektivët e Gardës kanë qenë për sulmet e vazhdueshme me gurë dhe molotov.

Prendi tha në emisionin “Opinion” se janë njoftuar nga zyra e Interpol në Gjermani se është gjetur një mesazh elektronik, ku një organizatë kriminale, paralajmëronte për sulme me armë kimike ndaj institucionit të Presidentit, Parlamentit dhe Kryeministrit.

Gjithashtu, Prendi duke iu referuar një informacioni të policisë në datën 19 janar 2011, tha se “do të kishte sulme ndaj Kryeministrit, madje do të vinin edhe snajpera nga Gjermania. Personi që ka paralajmëruar sulmet ka rrezikshmëri të lartë kriminale dhe ka paralajmëruar publikisht akte të tilla”.

Ish-komandanti i Gardës së Republikës gjithashtu iu referua një informacioni, pak ditë para protestës së 21 janarit 2011, se persona të caktuar do të mblidheshin pranë banesës së Kryeministrit dhe do të prisnin atë të dilte ose të kthehej në banesë, ku dhe do të sulmohej.

Prendi tha se Kryeministrit të kohës iu kërkua që të largohej nga zyra, por ai ka thënë “jam në zyrën time dhe do të vijoj punën”.

“Garda ka për detyrë të mbrojë personalitetet e vendit, duke mos kursyer as jetën”, tha Prendi, duke shtuar se “nëse do të kërcënohej jeta e Kryeministrit në objektin e punës së tij, masat do të ishin ekstreme”.

LEXO EDHE  Prani e madhe mjegulle në disa akse rrugore

Kishin informacion me shkrim që mund të kishte problem atë ditë?

Ndrea Prendi: Nga departamenti kundër krimit të organizuar dhe krimeve të rënda kemi patur letër me shkrim për këtë situatë. 3 letra me shkrim.

Letra 1: Nga Interpol gjermani kemi patur informacion se: Sipas këtij mesazhi informohemi se organizata terroriste do të organizojnë sulme me lëndë kimike kundër instiucionit të Presidentit dhe Kuvendit në disa vende të ndryshme të Europës gjithashu edhe instituionet homologe në Shqipëri.

Letra 2: Sipas informacionit që vjen nga burime kofidenciale informohemi se po përgatitet një atentat kundër kryministrit të vendit. Kjo letër ka ardhur vetëm 2 ditë para datës së demostratës. Dhe për këtë do vinin snajpera dhe shiptarë nga gjermania.

Letra 3: Departamenti kundër krimit të organizuar: Në lagjen nr. 1 dhe 2 në Tiranë po bëheshin pergatitje për lëvizje të paligjshme do të ketë djem të moshës 25 vjeç nga rrethet, disa me probleme me drejtësinë. Këta persona do te presin sinanjalin për t’u futur në parlament. Më pas do të shkojnë pranë shtpisë së Kryeministrit dhe do të presin aty derisa ai të vij në shtëpi. Më vonë në afërsi të Ambasadës Italiane do të jenë të parkuara 2 automjete me targa të huaja.