Gjatë natës kanë vazhduar reshjet në të gjithë territorin, por sipas Autoritetit Rrugor Shqiptar, pa sjellë probleme të mëdha me qarkullimin.
ARRSH informon se vazhdon qarkullimi normal në të gjitha akset kombëtare.
“Rënia e materialeve në segmentet: Ura e Kranës Syri i Kaltër, Lukovë-Bunec, Librazhd-Elbasan, në Kalimash km 107 dhe Shkopet-Ulëz është mbajtur gjithe kohën nën kontroll, për të mos sjellë probleme në qarkullim.
Në rrugën e Dardhës në orët e para të mëngjesit, për shkak të temperaturave të ulëta rekomandohet që nga km 6 deri në km 12 të qarkullohet me zinxhirë.
Kontraktorët janë në gadishmëri për përballimin e çdo situate që mund të paraqitet”, njofton ARRSH.
