Kandidati për kryeministër nga radhët e LDK-së, Avdullah Hoti beson partia e tij është ringjallur dhe sipas tij shkak për këtë është bërë slogani i tyre.
“Ka ringjallje të madhe të LDK-së, për shkak të këtij sllogani që kemi nxjerrë. Nuk jemi parti sezonale, kemi struktura edhe në lagje të fshatrave”, ka thënë ai.
Ai u shpreh se nuk kanë vija të kuqe me asnjë nga partitë, por që me VV-në është e vështirë të bëjnë koalicion.
“Në parim nuk kemi vija të kuqe me partitë e tjera se është e natyrshme se duhet koalicione për të formuar institucionet. Do të jetë e vështirë që të bëjmë koalicion me LVV-në. Nuk është çështje personale”, deklaroi ai.
Më tej, Hoti shtoi se Vjosa Osmani nuk do të marr asnjë votë të LDK-së.“Asnjë votë e LDK-së nuk shkon në LVV. Pa LDK mbrapa është zero. Njerëzit e LDK-së nuk e votojnë LVV”, u shpreh ai.
