Reshjet e fundit të shiut i kanë dhënë një tjetër goditje rrugës Vlorë-Orikum, në pjesën e njohur si tek “Zhironi”.
Një pjesë e rrugës në varësi të ARRSH dhe me mirëmbajtës kompaninë “Salillari” Sh.P.K. ka përfunduar në hotelet e zonës.
Dëmtimet në kilometrin e 7-të të këtij aksi nacional u raportuan ditë më parë.
Në vendin e quajtur “Zhironi”, rruga pësoi një shkëputje të lehtë duke krijuar një disnivel.
Vetë banorët e zonës u shprehen se firma e cila e mirëmban rrugën, “Salillari”, nuk ka ndërmarrë asnjë masë për parandalimin e shkëputjes së mëtejshme të rrugës, por ka hedhur vetëm pak beton në pjesën e çarë të rrugës. /Ora News/
