Këngëtarja e dashur për publikun, Fatmira Breçani, ka qenë e ftuar pasditen e djeshme në emisionin “E Diell” në Top Channel, ku ka treguar shumë detaje nga jeta e saj personale. Fillimisht Fatmira zbuloi se janë 5 vëllezër dhe 7 motra.
“Kemi qenë shumë të afërt, pavarësisht se kemi patur probleme. Prindërit vdiqën herët se do kishin bërë prapë. Kemi qenë me më shumë halle se të tjerët, se shumë fëmijë. Por lindëm të gjithë shëndosh, pa u sëmurë. Jemi të gjithë të martuar e disa janë edhe gjyshe e gjyshër”, tha këngëtarja e njohur
Ndërsa kur e pyetën për të folur për dasmat në Tropojë, ajo tha se “çdo gjë ka qenë e bukur në atë kohë”.
“Dasmat bëheshin në bahçe, ku tavolinat dhe karriget merreshin te shkolla. Niste të shtunën dasma me tupan dhe muzika vazhdonte të dielën deri të hënën, kjo për djemtë. Gocave të shtunën vetëm u hapej paja, nuk kishte tupan. Kurse për djemtë hapej të hënën pajën”, tha Breçani.
Ndërsa e pyetur në lidhje me bashkëshortin, të cilin nuk e ka prezantuar asnjëherë nëpër intervista, Fatmira tregoi se kanë 30 vite bashkë.
“Nuk e fsheh burrin se është 2 metra djalë. Nëpër emisione nuk kanë dashur që të dalin as burri dhe as fëmijët. Kam plot 30 vjet me të. Me këtë jam e me këtë do të vdes. Ma mirë jemi tani se sa kemi qenë. Sekreti i martesës është duaje, të jesh korrekte ti më atë dhe ai me ty”, tha këngëtarja e dashur për publikun.
