Manchester United ka eliminuar Liverpoolin nga 1/16 e finales së FA Cup, pasi fitoi 3-2.
Të parët që kaluan në epërsi ishin The Reds, që realizuan me anë të Mohamed Salah që pranoi një asist të bukur nga Roberti Firmino.
Epërsia e Liverpoolit nuk zgjati shumë, pasi Mason Greenwood (26’) i barazoi shifrat në 1-1, me kaq përfundoi pjesa e parë.
45 minutëshi i dytë ishte edhe më dramatik, pasi u shënuan edhe tre gola të tjerë.
Në minutën e 48-të, United përmbysi rezultatin me golin e Marcus Rashford që u asistua nga Greenwood.
Por, Mohamed Salah (58’) ishte përsëri në listën e golashënuesve, duke barazuar shifrat në 2-2.
Skuadra që drejtohet nga Solskjaer nuk u ndal me kaq, pasi riktheu epërsinë me anë të Bruno Fernandesit që shënoi në minutën e 78-të nga gjuajtja e lirë.
United arriti që deri në fund të mbante këtë epërsi, për të kaluar kështu në 1/8 e finales.
