Pankina e Interit është përplasur ashpër verbalisht me arbitrin e sfidës me Udinese-n, Fabio Maresca. Protestat e trajnerit Antonio Conte dhe ndihmësve të tij ka vazhduar dhe në tunelin e stadiumit “Dacia Arena”.
Kur Maresca akordoi 4 minuta shtesë, Konte nisi të protestonte në shenjë pakënaqësie. Arbitri italian i tërhoqi vërejtje ish-teknikut të Juventusit dhe Chelseat dhe duke parë këmbënguljen e kritikave të Conte-s e ka nxjerrë jashtë fushe.
Ish-tekniku i Italisë i është përgjigjur në shenjë zemërimi “Gjithmonë, je ti Maresca. Gjithmonë, je ti. Edhe në VAR, je gjithmonë ti.” Ndërsa gjyqtari i është përgjigjur “Duhet të dish si të pranosh rezultatin edhe kur gabon”.
Me këtë barazim pa gola, zikaltërit humbën shansin e mirë të barazonin kryesuesit te Milanit, të cilët u mposhtën 0-3 nga Atalanta në shtëpi.
Ndërkohë, kartoni i kuq i marr nga Conte do të thotë se ky i fundit do të mungoj në derbin, Inter-Milan që zhvillohet të martën më 26 janar në kuadër të Kupës së Italisë.
