David Beckham tashmë është një sipërmarrës i vetvetes, një markë tregtare dhe një garanci e suksesit. Dalja në pension nga futbolli nuk ka ndikuar në rritjen e pasurisë së tij dhe Victorias të cilët, sipas Celebrity Net Worth, kanë një pasuri prej 400 milion euro.
Pasuria e tyre në 2020 u rrit me 4 milion euro. Por kjo nuk është e gjitha, shifra më e bujshme është ajo që lidhet me të drejtat e imazhit të cilat në vitin 2019 Victoria dhe David fituan 14.5 milion paund nga kjo e drejtë ndërsa në 2020 16 milion euro, pothuajse 45 mijë euro në ditë.
Fitimet janë në rritje falë sponsorizimeve të tilla si ato me Adidas, uiski Haig Club dhe grupin e hotelit Sands, të gjitha të menaxhuara nga David Beckham Venture Limited (DBVL).
Pronat në pronësi të Beckham ndër vite, janë “Beckingham Palace” , të cilin çifti e bleu në 1999 për 3.3 milion dollarë. Në kohën e Los Angeles Galaxy, çifti bleu gjithashtu një rezidencë në Beverly Hills për 18,7 milion dollarë, e cila më vonë u shit për 33 milion dollarë. Pronat e tjera, një shtëpi me vlerë prej 4 milion euro në jug të Francës, një rezidencë me vlerë prej 40 milion paund në perëndim të Londrës dhe një stallë prej 8 milion paund të konvertuar në Great Tew , Oxfordshire.
