Sousa trajneri i ri i kombëtares polake

Polonia caktoi portugezin Paulo Sousa si menaxherin e ri të skuadrës kombëtare të futbollit.

Paulo Sousa (50 vjeç) do të marrë postin e trajnerit të kombëtares së Polonisë nga marsi i këtij viti.

Sousa do të zëvendësojë Jerzy Brzeczek, roli i të cilit si trajner i ekipit kombëtar të Polonisë përfundoi të hënën.

Ish-përfaqësuesi i Portugalisë fitoi përvojën e tij si trajner në klube të mëdha europiane, por kurrë nuk qëndroi me asnjë prej tyre në një kapacitet afatgjatë. CV e tij përfshin ”Queens Park Rangers”, ”Swansea City”, ”Leicester City”, ”FC Basel” dhe ”Fiorentina”.

LEXO EDHE  Vllaznia-Tirana/ Start fantastik në “Loro Boriçi”, shënohen dy gola brenda 6-të minutave (VIDEO)

Sousa do të fillojë të punojë me lojtarët polakë në mars, kur ekipi polak do të luajë ndeshjet e para të ndeshjeve kualifikuese të Kupës së Botës 2022 në Katar.

Në një video të shkurtër Sousa shprehu shpresën se Polonia do të jetë krenare për ekipin e saj kombëtar.