E pabesueshme ajo që ka ndodhur në Spanjë. Real Madrid është eliminuar nga Kupa e Mbretit nga Alcoyano, ekip i kategorisë së tretë. Sikur të mos mjaftonte kjo, vendasit e kanë siguruar kualifikimin në 1/8-at pasi kanë mbetur me një lojtar më pak.
Militao ka kaluar në avantazh Los Blancos në fundin e pjesës së parë dhe, kur mendohej se madrilenët e kishin siguruar kualifikimin, Alcoyano ka barazuar shifrat në minutën e 80-të me Solbes, duke çuar ndeshjen me shtesë.
Në minutën e 110-të, vendasit kanë mbetur me 10 lojtarë pas kartonit të dytë të verdhë të marrë nga Lopez, por kanë arritur gjithsesi të gjejnë golin e fitores pesë minuta më mbrapa me Casanova-s, duke i shkaktuar Real-it një humbje të rëndë.
