Arrestohet në flagrancë një 38-vjeçar në qytetin e Vlorës, për veprën penale “Plagosja e rëndë me dashje”.
Shtetasi B.T 38-vjeç, pas një konflikti në banesë, për motive të dobëta ka plagosur me thikë të vëllanë e tij, shtetasin F.T, 47-vjeç.
“Specialistët për Hetimin e Krimeve në Komisariatin e Policisë Vlorë kanë arrestuar në flagrancë shtetasin B. T, 38 vjeç, banues në Vlorë. Ky shtetas, në orët e para të mëngjesit të ditës së sotme, në banesë, ka plagosur me mjet prerës (thikë), për motive të dobëta, vëllanë e tij, shtetasin F. T., 47 vjeç, banues në Vlorë, i cili aktualisht ndodhet në spitalin e Vlorës, jashtë rrezikut për jetën. Në cilësinë e provës materiale është sekuestruar mjeti prerës (thikë). Materialet iu referuan Prokurorisë, për veprime të mëtejshme”, njoftoi policia.
