Kryeministri Edi Rama ka reklamuar plot 8 herë godinën e një kopshti. Nuk dihet nëse Kryeministri është i fiksuar pas kopshtit “Muçaj” në Bashkinë e Vorës, apo harron sa herë e ka reklamuar në rrjetet sociale.
Ndryshimi i vetëm është se Rama herë shfaqet me Spiropalin, herë me Ahmetajn, herë me të dy bashkë, ndërsa kopshti është i njëjti.
Më 29 gusht, Kryeministri reklamonte në rrjetet sociale godinën, ndërkohë që sa kishte filluar hedhja e themeleve.
Pak më pas, në 26 shtator, të njëjtin objekt kryeministri e promovoi sërish, kësaj radhe duke ndarë me ndjekësit projektin 3D.
Në 19 tetor Rama ju rikthye prapë këtij objekti. Kësaj here pa me sytë e tij punimet. Në 11 dhjetor dhe 4 janar përgjegjësja politike e PS-së në Vorë reklamoi me krenari sërish të njëjtën godinë.
Në 8 janar Kopshti Muçaj shkëlqeu prapë në “Facebook” e kryeministrit, teksa ai e shkeli sërish me këmbë këtë të mërkurë.
Nuk dihet nëse Kryeministri është i fiksuar pas godinës, sikur të ishte vetë arkitekti dhe inxhinieri, apo propoganda bën të sajën dhe në kuadrin kur nuk ka një bilanc të qeverisjes së tij, ka nisur të reklamojë 8 herë të njëjtën godinë duke krijuar idenë se po punohet shumë.
