Pas denoncimit të mbrëmshëm në emisionin investigativ Stop, ku u paraqit një rast tjetër i vjedhjes së një qytetari të shtruar në spitalin Covid 1, Fax News ka shkuar këtë të mërkurë në ambientet e spitalit infektiv për të intervistuar qytetarë të ndryshëm qe kanë të afërmit e tyre të shtruar në këtë spital.
Çuditërisht të gjithë qytetarët e pyetur janë shprehur të kënaqur me sjelljen e doktorëve dhe mohojnë t’i jetë kërkuar para, pavarësisht rasteve të përsëritura të korrupsionit brenda ambienteve të spitaleve të denoncuara nga emisionet investigative.
Gjithesi, për sa i përket rastit të vjedhjes së qytetarit edhe pasi kishte vdekur, një nga personat e intervistuar ka reaguar mjaft ashpër, duke u shprehur se shqiptarët kanë traditë që kufomat nuk preken dhe madje ka kërkuar të varet personi përgjegjës.
Pjesë nga intervistat e gazetarës me qytetarë brenda Infektivit:
Qytetari 1:
-Përshëndetje zotëri keni të shtruar në spital?
Po Kemi.
-Keni komunikuar me të? Po kemi komunikuar.
-E keni parë denoncimin në Stop, si ëshë gjëndja në spital?
Shumë e mirë është gjendja.
-Keni pasur ju raste në spital ku mund t’iu kenë kërkuar para?
Jo, jo. Është hera e parë që vij në spital.
-Si flisni me familjarët tuaj?
Kanë telefon brenda.
Iua lejojnë telefonin?
Po, ia lejojnë.
-Iu dërgoni sende personale përshkak se iua kërkojnë apo i dërgoni vetë.
Jo, jo, i dërgojmë vetë. Biles i sëmuri më tha, s’ka problem se i kemi gjërat.
Qytetari 2:
-A keni pasur ndonjë rast korrupsioni brenda spitaleve me familjarët tuaj?
Jo jo nuk kemi pasur. Me mua jo. Nuk iu kanë kërkuar lekë Jo, jo.
Qytetari 3:
– Ju ka ndodhur ndonjë rast t’iu kenë kërkuar para?
Asnjëherë. Gjithçka përfekt.
Qytetari 4:
–I janë marrë paratë një të ëmuri me Covid brenda në spital. Si ju duket?
Unë jam me trombozë. Stafi mjekësor po shpëtojnë jetë njerëzish. Por të vijë një dru i shtrembër të infektojë të gjithë. Prandaj të çohet shteti në këmbë, prokuroria, krimi ekonomik, stafi, të merren filmimit dhe të varet ai person. Ne këmi tradita, kufoma nuk preket. Ai person të gjendet sa më shpejt sepse na kaq demoralizuar të gjithëve.
Mbrëmjen e djeshme, emisioni Stop denoncoi rastin e vjedhjes së parave të një pacienti të shtrur nëspitalin infektiv. Ishte djali i qytetarit 58 vjeçar, i cili e humbi betejën me Covid-19, i cili tregoi që babait të tij i janë vjedhur para nga portofoli, si dhe nga llogaria e tij bankare.
