Të paktën tre persona kanë vdekur dhe dhjetë të tjerë janë plagosur të mërkurën në një shpërthim të shkaktuar nga një rrjedhje e dyshuar e gazit në zemër të kryeqytetit spanjoll, Madrid, sipas shërbimeve të urgjencës së qytetit, raporton Mirror.
Jose Manuel Franco, një përfaqësues i qeverisë qendrore për rajonin e Madridit, konfirmoi këtë pasdite numri i të vdekurve pas shpërthimit të gazit ka shkuar në tre dhe një person i katërt rezulton i zhdukur.
Shpërthimi kuptohet se ka ndodhur në katin e pestë të një ndërtese të Kishës Katolike në rrugën Toledo, duke shkaktuar dëme të mëdha, sipas videove të postuara në Twitter nga shërbimi i informacionit emergjent në bashkinë e Madridit, Emergencias Madrid.
Imazhet nga vendi i ngjarjes treguan se një pjesë e murit të jashtëm ishte shkatërruar, në disa kate të ndërtesës.
Të paktën katër kate janë prishur nga shpërthimi dhe zjarrfikësit po evakuojnë njerëzit nga zona.
