Rrjedhje gazi në shkollën në Tiranë, 6 nxënës në spital

Shkolla "Albanian Qatar College"

Momente frike në një shkollë 9-vjeçare në kryeqytetet këtë të Mërkurë, teksa ka pasur rrjedhje gazi në një shkollë. Për pasojë, disa nxënës të shkollës “Albanian Qatar College” kanë përfunduar në spital.

Policia sqaroi se rreth orës 09:30, në një shkollë në rrugën “Don Bosko”, si pasojë e një rrjedhje gazi në sistemin e ngrohjes, është bërë evakuimi i të gjithë nxënësve të shkollës.

Gjithashtu janë dërguar në spital, 6 prej nxënësve ku po ju jepet ndihma mjekësore, pa probleme për jetën. Në vendngjarje ndodhen shërbimet e policisë, të cilët po punojnë për normalizimin e situatës, shtuan të njëjtat burime.

LEXO EDHE  VIDEO/ Në oborrin e spitalit, burri godet me shqelma e grushte gruan

Raportohet se nxënësit, si pasojë e rrjedhjes së gazit, kanë shfaqur simptoma si dhimbje koke dhe të vjella.

Ndërkaq, nxënësit e transportuar te Urgjenca e pediatrisë në QSUT, kishin shenja helmimi nga gazi, thanë burime spitalore.

Lexo edhe:

“E ndjemë erën e keqe që në mëngjes, na mbajtën 3 orë në klasë”, dëshmia tronditëse nga helmimi i nxënësve