Këngëtarja e famshme me origjinë shqiptare, Dua Lipa, ka reaguar për zgjedhjet që do të mbahen në Kosovë më 14 shkurt. Dua u ka kërkuar shqiptarëve të Kosovës që jetojnë jashtë të votojnë, duke iu rikujtuar se sa e rëndësishme është vota e tyre.
Ka qenë babai i këngëtares, Dukagjin Lipa, ai i cili përmes një postimi në Instagram bëri të ditur se e ka kryer detyrën e tij qytetare me anë të postës, teksa ka inkurajuar të gjithë që të votojnë. Postimin e tij e ka rishpërndarë në Instastory edhe Dua, e cila i është bashkuar thirrjes për t’i ndërgjegjësuar njerëzit për vlerën e votës së tyre.
“Bëj që zëri yt të dëgjohet! Ti mund të votosh nga kudo ndodhesh!”-shkruhet në postimin e shpërndarë prej saj.
