Betohet Joe Biden, President i 46-të i Shteteve të Bashkuara të Amerikës.
“Sot festojmë triumfin e kauzës së demokracisë,” tha presidenti Biden, duke shtuar se vullneti i popullit u dëgjua ndërsa shtoi se demokracia është e çmua dhe e brishtë, por kësaj radhe ajo mbizotëroi.
“Tani, në këtë tokë të shenjtë, ku vetëm pak ditë më parë dhuna kërkoi të trondisë vetë themelin e Kapitolit, ne bëhemi së bashku si një komb, nën Zot, i pandashëm, për të kryer transferimin paqësor të pushtetit siç kemi bërë për më shumë se dy shekuj”, tha ai.
Joe Biden theksoi se do të jetë presidenti i të gjithë amerikanëve.
Në fjalimin e tij, Biden foli edhe për pandeminë ndërsa shtoi se vendi ndodhet në periudhën më vdekjeprurëse të virusit.
“Duhet të përballemi me këtë pandemi, si një komb i vetëm…Do ta kalojmë këtë bashkë”, shtoi ai.
Ndërsa, duke iu drejtuar botës, Biden tha se tashmë Amerika do t’i riparojë aleancat e saj dhe do të angazhohet me botën sërish.
“Këtu është mesazhi im për ata përtej kufijve tanë. Amerika është testuar dhe ne kemi dalë më të fortë. Ne do të riparojmë aleancat tona dhe do të angazhohemi me botën edhe një herë”, tha ai, duke premtuar një ndryshim nga politikat izoluese të paraardhësi i tij.
“Ne do të udhëheqim, jo thjesht nga shembulli i fuqisë sonë, por nga fuqia e shembullit tonë. Ne do të jemi një partner i fortë dhe i besuar për paqen, përparimin dhe sigurinë,” shtoi Biden.
Ndërkohë, shumë udhëheqës evropianë kanë postuar në Twitter urimet e tyre për administratën e re dhe kanë shprehur optimizmin e tyre në vendosjen e marrëdhënieve të reja.
Para marrjes së detyrës, Biden dha një mesazh uniteti, posaçërisht për nevojën e bashkimit për t’u përballuar me sfidat e shkaktuara nga pandemia që u mori jetën 400 mijë vetave në Shtetet e Bashkuara dhe shkaktoi shumë vështirësi ekonomike.
Pas ceremonisë së inaugurimit, Biden dhe zonja Harris planifikohet të marrin pjesë në një ceremoni të vendosjes së kurorave në Varrin e Ushtarit të Panjohur në Varrezat Kombëtare në Arlington.
