Kryetari i Partisë Demokratike, Lulzim Basha, postoi në FB të dhënat e një raporti të Eurostat, që e rendit Shqipërinë në vendin e gjashtë në botë për emigracionin masiv.
“Eurostat e renditi Shqipërinë në vendin e gjashtë në botë për emigracionin masiv. Për 8 vjet me dështimet e tij, Rama e shkatërroi ekonominë dhe i detyroi të rinjtë tanë të ikin. Për shkak të dështimeve të Ramës, situata ekonomike është sot më e keqja në rajon”, shkruan Basha në rrjetin social.
“Ne shqiptarët jemi të suksesshëm kudo në botë, ndaj nuk ka asnjë arsye pse të mos kemi sukses këtu në vendin tonë! Ka ardhur koha për ndryshim. Ka ardhur koha të largojmë Ramën dhe të sjellim shpresë dhe zhvillim për vendin tonë”, shtoi Basha.
