Reperi dhe producenti Dr.Dre u shtrua me urgjencë në një spital në Los Angelos pak ditë më parë, ku u trajtua për një aneurizëm serioz në tru.
Thuhet se legjenda e muzikës rap, vuan nga aneurizma cerebrale, që është një sëmundje e enëve të gjakut të trurit e cila vjen si pasojë e një dobësimi në murin e arteries të trurit duke shkaktuar zgjerim të një pjese të saj ose një fryrje. Çarja e saj mund të shkaktojë hemorragji me pasoja shumë të rënda për jetën dhe mund të jetë edhe fatale.
Megjithatë, reperi pas shtrimit ne spital, u shpreh përmes një postimi në rrjete sociale se ndihej mirë dhe falenderoi stafin mjekësor që u kujdesur për të.
Ekipi i Dr. Dre bëri me dije së fundmi se gjendja shëndetësore e reperit është stabilizuar dhe ai tashmë ka dalë nga spitali.
