Akademiku Artan Fuga ka ironizuar përmes rrjeteve sociale qëndrimin e Qeverisë, e cila kur ndodhin përmbytjet fajëson reshjet, kur dështon me negociatat akuzon BE apo kur ikin mjekët dhe infermierët fajin e ka Gjermania.
Fuga shprehet se kjo ndodh edhe në rastin e Parlamentit, i cili është kthyer në një kazermë ushtarake, ndërsa fajin e ka opozita që iku.
“Për vonesat në integrimin europian na e kanë fajin qeveritë e vendeve europiane. Për imazhin e keq dhe braktisjen e vendit nga të rinjtë na e kanë fajin mediat që nxijnë realitetin.
Për Kuvendin që e kemi si kazermë ushtarake e ka fajin opozita që iku nga Kuvendi.Për vaksinat që nuk i kemi e ka fajin Franca që nuk na dha ca vaksina nëndorë dreqin ta hajë, sa egoisteee!
Për pushtetin lokal monist e ka fajin Presidenti që caktoi dy data zgjedhjesh”, shkruan Fuga.
Postimi nga Artan Fuga
Ne nuk kemi faj
Për arësimin na e ka fajin Gjermania që na merr infermierët.
Për mos bërjen e Minishengenit na e kanë fajin drejtues kosovarë që i bien kovës me qumësht me shkelm si lopa.
Për përmbytjet e ka fajin shiu, çfarë dreqin ka që bie!
Për vonesat në integrimin europian na e kanë fajin qeveritë e vendeve europiane.
Për imazhin e keq dhe braktisjen e vendit nga të rinjtë na e kanë fajin mediat që nxijnë realitetin.
Për Kuvendin që e kemi si kazermë ushtarake e ka fajin opozita që iku nga Kuvendi.
Për vaksinat që nuk i kemi e ka fajin Franca që nuk na dha ca vaksina nëndorë dreqin ta hajë, sa egoisteee!
Për pushtetin lokal monist e ka fajin Presidenti që caktoi dy data zgjedhjesh.
