Kreu demokrat Lulzim Basha caktoi sot Mark Markun si drejtues politik të PD në Qarkun e Lezhës, për zgjedhjet parlamentare të 25 prillit.
Marku ishte një nga 5 anëtarët e Komisionit të përzgjedhjes së kandidatëve për deputet, që u propozuan nga baza e partisë.
Pas zyrtarizimit të emrit të tij, për të drejtuar fushatën në Lezhë, ka ardhur edhe reagimi i Erla Mëhillit, zëdhënëses të ish-Kryeministrit Sali Berisha.
Në rrjetet sociale ajo ironizon kreun e PD, Lulzim Basha lidhur me procesin e përzgjedhjes së kandidaturave për deputet.
“Si të hedhësh në erë me duart e tua Komisionin e famshëm të përzgjedhjes së kandidatëve për deputet. Pra një një drejtues politik qarku na paska përzgjedhur kandidatët për deputetë në të gjithë Shqipërinë. Mirë shumë”, shkruan Mëhilli
