Kryeministri grek Kyriakos Mitsotakis ka marrë dozën e dytë të vaksinës , mëngjesin e kësaj të hëne.
Kryeministri u vaksinua në spitalin “Attikon” pak pas orës 09:00, (me orën greke) ndërsa në orën 10:00 dozën e dytë do ta marrë Presidentja e Republikës, Katerina Sakellaropoulou në spitalin “Evangelismos”.
Ndërkohë, numri i përgjithshëm i të vaksinuarve për momentin në Greqi ka arritur në 80,000. Në të njëjtën kohë, siç transmetoi ERT, në ditën e parë të vaksinimit të popullatës së përgjithshme, janë caktuar 3,777 të moshuar për t’u vaksinuar.
733 nuk mbërritën, ndoshta për shkak të motit të keq. Në vend të tyre, mjekët u vaksinuan nga listat e Shoqatave Mjekësore, në mënyrë që të mos harxhohet asnjë dozë. Kjo do të vazhdojë derisa të aktivizohet lista e pritjes së Trupave të Sigurisë dhe Forcave të Armatosura.
