Vdekjet globale nga COVID-19 pritet të arrijnë në 100,000 shumë shpejt, nga më shumë se 93,000 të raportuara javën e kaluar, tha të hënën eksperti më i lartë i emergjencave i Organizatës Botërore të Shëndetësisë, Mike Ryan.
Në një azhornim epidemiologjik të dhënë në mbledhjen e bordit ekzekutiv të OBSH-së, ai shtoi se rajoni i Amerikës përbënte rreth 47 përqind të vdekjeve aktuale. Në Evropë, rastet dhe vdekjet po stabilizohen, por në një nivel të lartë, shkruan Reuters.
“Aktualisht situata jonë epidemiologjike është dinamike dhe e pabarabartë, është më e komplikuar nga variantet,”– i tha ai bordit.
Nga ana tjetër, Drejtori i përgjithshëm i Organizatës Botërore të Shëndetësisë, Tedros Adhanom Ghebreyesus tha se bota është në prag të një dështimi moral katastrofik, sa i përket shpërndarjes së vaksinave.
Ai u bëri thirrje vendeve dhe prodhuesve që dozat e vaksinave t’i shpërndajnë në mënyrë më të barabartë në të gjithë botën.
