Afërdita Dreshaj pritet që së shpejti të sjellë në jetë fëmijën e saj të parë. Këngëtarja e njohur është në muajin e shtatë të pritjes së ëmbël dhe gjatë kësaj periudhe ajo ka ndarë me ndjekësit momente të bukura. Afërdita nuk ka nguruar që të tregojë se do të lindë një djalë.
E teksa pritjes së ëmbël po i vjen fundi, këngëtarja ka treguar se po merret me përgatitjet e fundit për të pritur të voglin e saj. Përmes një postimi në “Instastory”, ajo ka zbuluar garderobën e tij.
Në imazhin në fjalë, vihetn re veshje sportive në ngjyra të ndryshme. Afërdita ka blerë që tani edhe lodra, që do e shoqërojnë të voglin gjatë rritjes së tij. Nga detajet në foto, vihet re se Afërdita i ka blerë veshjet e vogëlushit në disa nga markat më të njohura ndërkombëtare si “Dior” apo “Fendi”.
“Rregulluam dollapin dje. Faleminderit teze Jehona për ndihmën”, ka shkruar Afërdita përkrah fotos së dollapit.
