Në një artikull në The Conversation, Frances Ëilliams, një profesor i Epidemiologjisë Gjenetike në King’s College London, tregon gjithçka që dimë deri më sot në lidhje me koronavirusin.
Megjithëse simptomat e një infeksioni afatgjatë nuk janë kuptuar ende plotësisht dhe hulumtimi është duke vazhduar, të dhënat e mëposhtme kanë dalë se cilat kategori njerëzish janë më të rrezikuar, sa shpesh ndodhin dhe cili është ndikimi i tyre në jetën e mëvonshme të pacientëve.
Simptomat që vazhdojnë
Sëmundja “e vazhdueshme” Covid-19 përfshin një larmi simptomash si dhimbje koke , gulçim, lodhje ekstreme dhe humbje të nuhatjes dhe shijes .
Një sondazh relativisht i madh i 384 personave të pranuar në spital me COVID-19 tregoi se 53% e njerëzve kishin akoma dispne (është një simptom kryesore e sëmundjeve kardiorespiratore dhe përkufizohet si një vështërsi në frymarrrje) një ose dy muaj më vonë, ndërsa 34% e njerëzve kishin akoma simptoma të kollitjes dhe 69% raportuan se ndiheshin të lodhur.
Një analizë e parë e të dhënave nga aplikimi i Studimit të Simptomave COVID konfirmon gjetjet e mësipërme: 13% e njerëzve me COVID-19 kishin simptoma për më shumë se 28 ditë ndërsa 4% e njerëzve kishin simptoma edhe 56 ditë më vonë.
Pacientët që u sëmurën rëndë kishin më shumë të ngjarë të kishin simptoma për një kohë të gjatë, si dhe të moshuarit, gratë dhe ata me një indeks të masës trupore më të lartë se normale.
Një pjesë tjetër e hershme e hulumtimeve të ndryshme sugjeron që sëmundja “e vazhdueshme” COVID-19 mund të ketë një efekt negativ në organet vitale .
Profili i njerëzve në këtë sondazh është i ndryshëm nga ai i përdoruesve të aplikacionit.
Në këtë studim, nga 200 pacientë që u rikuperuan nga COVID-19, 32% u gjet se kishin insuficiencë kardiake, 33% kishin mosfunksionim të mushkërive dhe 12% kishin dështim të veshkave. 25% e pacientëve kishin dëmtime të shumëfishta në organet vitale.
Mesatarja e moshës së pacientëve që morën pjesë në këtë studim ishte 44 vjeç, nga të cilët vetëm 18% ishin të shtruar në spital, që do të thotë se dëmtimi i organit jetësor mund të ndodhë edhe në pacientë me simptoma të lehta.
Dëmtimi i organeve vitale mund të çojnë në simptoma serioze të sëmundjeve siç janë diabeti dhe sëmundje e zemrës.
Lodhja që shpesh ndodh në pacientët me ”Covid-19 të vazhdueshëm) , është e vështirë për të hetuar.
Një tjetër studim në shkallë të gjerë tregoi se kjo është simptoma që vazhdon në më shumë se gjysmën e rasteve.
Për më tepër, hulumtimet kanë treguar që pacientët e ekzaminuar nuk kishin ndonjë inflamacion që mund të justifikonte ndjenjën e lodhjes.
Cila kategori tjetër rrezikohet?
Sipas rezultateve të përdoruesve të aplikacionit, sëmundja “e vazhdueshme” Covid-19 ishte gjithashtu më e mundshme në gratë që ishin diagnostikuar me depresion dhe çrregullime ankthi.
Prandaj, edhe pse burrat kanë më shumë të ngjarë të sëmuren rëndë me Covid-19, gratë preken më shumë nga simptomat që vazhdojnë pas shërimit, të cilat mund të lidhen me hormone.
Kjo sepse receptorët ACE2 të përdorur nga koronavirusi për të hyrë në qeliza nuk janë të pranishëm vetëm në qelizat e sistemit tonë të frymëmarrjes por edhe në qelizat e organeve të tjera prodhuese të hormoneve si tiroidja, gjëndrat mbiveshkore dhe vezoret.
