Kryeministri Edi Rama nxitoi pak ditë më parë që të shfajësonte cilindo tjetër nga skandali i denoncuar në një nga emisionet investigative, ku shfaqej një sanitare, Tire Alldervishaj, që përveç se prezantohej si infermiere, merrte para nga të afërm të pacientëve që kuroheshin në spitalin Covid2, për t´iu shërbyer.
Rama tha se ky ishte një rast i zoluar, madje u shpreh se “pyll pa derra nuk ka”.
Deklaratat e Kryeministrit erdhën në një kohë kur Prokuroria kishte nisur hetimet dhe ato mund të interpretohen si një ndërhyrje e drejtëpërdrejtë e Kreut të Qeverisë në hetimin, nga i cili mund të zbardhet edhe një skemë e mirrfiltë korrupsioni, ku nuk është e implikuar vetëm Tirja.
Skandali i denoncuar duket se ka ndikuar te Kryeministri, i cili nuk ka nguruar të shkëmbejë replika me komentuesit apo ndjekësit e tij në rrjetet sociale. Rama shprehet se sanitarja ndodhet pas hekurave dhe se ky rast nuk mund të hedhë poshtë punën e mjekëve, që edhe njëherë i cilësoi heronj.
Ndërkohë që komentuesit i sugjerojnë që të gjejë edhe një vaksinë kundër korrupsionit, përfshi këtu edhe atë në shëndetësi.
