Jasir Asani ishte një nga më të mirët në fushë, në triumfin që Partizani arriti në transfertë ndaj Skënderbeut.
Futbollisti dha 2 asistet te golat e shënuar, ndërsa pas ndeshjes u prononcua për emisionin “Gol pas Goli” në Supersport.
Anësori deklaroi se trajneri Daja i ka dhënë skuadrës lirinë për të shprehur kualitetet. Asani gjithashtu pohoi se ka 2 oferta nga klube jashtë Shqipërisë, por që për momentin është i fokusuar vetëm te Partizani.
“Kur erdha në fillim te Partizani, filluam mirë, më pas pësova një dëmtim që më la 5 javë jashtë fushave. Besoj se e kam marrë tashmë formën e duhur dhe do të jap maksimumin.
Me Apoloninë kishim raste të shumta për të fituar, por në futboll duhet edhe fati. Sot u futëm në fushë vetëm për të fituar. Nuk i morëm parasysh kushtet e tjera.
E ardhmja? Kam 2 oferta, në Izrael dhe Kuvajt. Jam fokusuar vetëm te Partizani, për gjërat e tjera merret drejtori dhe presidenti. Çfarë është e shkruar do të bëhet.
Ekipi mezi po e presim derbin. Të japim maksimumin, jemi në rrugën e duhur për të ecur përpara. Ilir Daja po na jem mundësi për të shprehur kualitetet tona. Sulmuesit kanë shumë liri përpara. Sot e merituam fitoren”, u shpreh Asani.
