Vendi ynë është nën ndikimin e masave ajrore të ftohta, të cilat do të mbeten prezente edhe në ditët në vijim duke sjellë temperatura të ulëta dhe reshje bore.
Sipas Shërbimit Meteorologjik Ushtarak, dita e Shtunë, rezervon mot me alternime kthjellimesh dhe vranësira të cilat në zonat malore do të pasohen nga reshje bore.
Ne juglindje, reshjet e borës parashikohen të kenë intensitet deri mesatar.
Ndërsa dita e Diel do të ketë mot kryesisht të kthjellët e vranësira kalimtare.
Reshjet e borës do të jenë me intensitet të ulët të karakterit lokal vetëm në zonat malore në veri të vendit.
Dita e hënë do të ketë mot të kthjellët, por shumë të ftohtë.
