Lothar Matthaus është gjithmonë origjinal në mendimet e tij. Ish-futbollisti i madh gjerman, në një prononcim për Sky Sport Germany, ka kritikuar drejtuesit e Bayern Munchen në lidhje me merkaton.
“Dua të them të vërtetën dhe të shpreh një kritikë ndaj drejtuesve të Bayernit. Kanë humbur tre futbollistë të rëndësishëm me largimet e Coutinhos, Perisic dhe Thiago Alcantara.
Po flasim për futbollistë cilësorë, të cilët i jepnin ritëm dhe thellësi skuadrës. Bayerni ka humbur shumë me largimet e tyre, një gjë e tillë do të vihet re në sezonin e gjatë dhe plot angazhime.
Të them të drejtën, kontingjenti i lojtarëve të Flick nuk më duket ai që ishte më parë, Bayerni është më i dobët sot“, deklaron legjenda e futbollit gjerman.
